{*tit_cineuropa}

Director: Claire Denis

Lionel (Alex Descas) é un home de mediana idade, viúvo e de poucas palabras. Traballa como condutor de trens e vive nun modesto edificio de apartamentos de París coa súa filla Joséphine (Mati Diop). Os dous levan unha existencia confortable e feliz baseada na confianza e no cariño mutuo que se profesan.

O tempo pasa e os primeiros signos de cambio aparecen na vida do pai e mais da filla. Achégase a idade da xubilación para Lionel mentres que Joséphine está a piques de comezar unha relación sentimental. Gabrielle (Nicole Dogué) vive no mesmo edificio e ve en Lionel o home co que quizais podería pasar o resto da vida. Noé (Grégoire Colin), outro dos veciños, é un mozo inquieto evidentemente atraído por Joséphine.

Xuntos forman unha verdadeira familia e comparten o tempo mentres comen nas súas casas ou se reúnen nos bares. Con todo, semella que chegou o momento no que Joséphine iniciará unha nova vida, e con ela todos os demais.

Ficha artística:

• Intérpretes: Alex Descas (Lionel), Mati Diop (Joséphine), Grégoire Colin (Noé), Nicole Dogué (Gabrielle).

Ficha técnica:

• Guión: Claire Denis e Jean-Pol Fargeau.
• Produción: Bruno Pesery.
• Música: Tindersticks.
• Fotografía: Agnès Godard.
• Montaxe: Guy Lecorne.
• Deseño da produción: Benoît Pilot.
• Vestiario: Judy Shrewsbury.

Datos técnicos:

• País: Francia.
• Ano: 2008.
• Duración: 100 minutos.
• Xénero: Drama.