{*tit_cineuropa}

Director: Brillante Mendoza

A familia Pineda -un matriarcado arredor do cal pululan fillos, netos, primos e sobriños- rexenta un vello, barroco, decadente e labiríntico cinema que se dedica ao xénero erótico. Mentres os membros da familia soben e baixan escaleiras nos seus quefaceres cotiáns, viven alleos a todo o que ocorre na sala e os máis que poboados corredores do cinema, nos que a prostitución e os travestís campan como queren.

Coa buliciosa Manila como incesante ruído de fondo, o cinema, que tamén é a vivenda da familia, revélase como un microcosmos coas súas propias normas. Especie de neorrealismo á filipina, a aridez e a aparente crueza da acción (que apenas abandona o cinema) non fai máis que aumentar a tenrura que espertan os membros deste sorprendente clan. Quizais non resulte tan irónico que o nome do cinema sexa Family.

Ficha artística:

• Intérpretes: Gina Pareño, Dan Alvaro, Mercedes Cabral, Julio Diaz, Roxanne Jordan, Jacklyn Jose, Coco Martin.

Ficha técnica:

• Guión: Armando Lao.
• Produción: Ferdinand Lapuz.
• Produción executiva: Didier Costet.
• Música: Gian Gianan.
• Fotografía: Odyssey Flores.
• Montaxe: Claire Villa-Real.
• Deseño da produción: Benjamin Padero e Carlo Tabije.

Datos técnicos:

• Países: Filipinas e Francia.
• Ano: 2008.
• Duración: 94 minutos.