{*tit_cineuropa}

Director: R. J. Cutler

Anna Wintour, a lendaria editora xefa de Vogue durante os últimos 20 anos, é a figura máis poderosa e influente do mundo da moda. Cun look moi definido, sempre escondida tras a súa característica melena e as célebres lentes de sol, nunca, ata agora, permitira que ninguén se internase nas entrañas da súa redacción.

Cun acceso ata agora sen precedentes, o realizador R.J. Cutler introduce o espectador nun mundo que ata ese momento cría que coñecía. Ano tras ano, a xente corre aos quioscos para se facer co número de setembro de Vogue. A edición do ano 2007 foi, e aínda hoxe o segue sendo, o máis grande da historia. Todas as súas cifras eran de marca: case dous quilos de peso e trece millóns de lectores. Ese número moveu máis de 300 billóns de dólares na industria global da moda, e agora, R.J. Cutler descobre todo o que ocorreu durante a preparación.

Ficha artística:

• Intérpretes: Anna Wintour, Grace Coddington, Thakoon Panichgul, André Leon Talley, Oscar de la Renta, Karl Lagerfeld, Jan Paul Gaultier, Coco Rocha, Sienna Miller.

Ficha técnica:

• Produción: Eliza Hindmarch e Sadia Shepard.
• Música: Craig Richey.
• Fotografía: Bob Richman.
• Montaxe: Azin Samari.
• Dirección artística: Gareth Smith e Jenny Lee.

Datos técnicos:

• País: EUA.
• Ano: 2009.
• Duración: 88 minutos.
• Xénero: Documental.