{*tit_cineuropa}

Director: Sergei Dvortsevoy

Tras rematar o servizo militar na armada, Asa disponse a regresar ao seu lugar de nacemento na agreste estepa de Kazakstán. Alí viven a súa irmá maior, e mais o marido desta, dedicados á única ocupación posible naquel lugar; os rabaños de ovellas. Deles aprende que se se quere dedicar ao gando, e ter a súa propia gandaría, vai ter que atopar unha muller. O problema é que as mozas solteiras non abundan na zona.

Tulpan, a filla doutra familia de pastores, parece que é a única candidata posible, pero ela ten outros plans. Quere abandonar o campo para poder estudar e atopa a escusa perfecta para rexeitar a Asa ante os seus pais: ten as orellas moi grandes. De calquera xeito, Asa non se vai render tan facilmente e coa colaboración do seu amigo Boni esforzarase en lle demostrar a todo o mundo que pode ser un bo pastor e un pretendente adecuado para Tulpan.

Ficha artística:

• Intérpretes: Tolepbergen Baisakalov, Odas Besikbasov, Samal Esljamova, Askhat Kuchencherekov, Bereke Turganbayev.

Ficha técnica:

• Guión: Sergei Dvortsevoy e Gennadi Ostrovsky.
• Fotografía: Jolanta Dylewska.

Datos técnicos:

• Título orixinal: Tulpan.
• Países: Kazakstán.
• Ano: 2008.
• Duración: 100 minutos.
• Xénero: Comedia.
• Produtora: Coprodución Kazakstán, Rusia,
  Polonia, Alemaña, Suíza; Pallas Film.

Premios (2008):

• Cannes: Premio «Un Certain Regard».
• Festival de Zürich: Mellor película.
• Festival de Gijón: Mellor director.