{*tit_cineuropa}

Director: Cherien Dabis

A vida de Muna transcorre entre a amoladura diaria dos puntos de control de Cisxordania e a sombra dun matrimonio fracasado, pero todo cambia cando obtén un permiso de traballo e residencia para EE.UU. Sabendo que é a única maneira de conseguir un futuro mellor, Muna e mais o seu fillo adolescente, Fadi, deixan Palestina en busca dunha nova vida nunha pequena cidade de Illinois.

A irmá de Muna, o seu marido e as súas tres fillas, instalan os que acaban de chegar na súa casa. Alí terán que se esforzar por encaixar nunha nova cultura sen perder a propia, enfrontándose a un contorno que, tras a invasión de Iraq, mira con desconfianza a todo Oriente Medio. Mentres Fadi conxenia coa súa prima rebelde e métese en leas no instituto, a indomable Muna non perde a esperanza e, a pesar de ter que levar unha dobre vida na hamburguesaría local, afronta con optimismo esta nova etapa, ensinándolle ao seu fillo unha lección que nunca esquecerá.

Ficha artística:

• Intérpretes: Nisreen Faour (Muna), Melkar Muallem (Fadi), Hiam Abbass (Raghda), Yussef Abu-Warda (Nabeel), Alia Shawkat (Salma), Joseph Ziegler (Sr. Novatski), Amer Hlehel (Samer).

Ficha técnica:

• Guión: Cherien Dabis.
• Produción: Christina Piovesan e Paul Barkin.
• Música: Kareem Roustum.
• Fotografía: Tobias Datum.
• Montaxe: Keith Reamer.
• Deseño da produción: Aidan Leroux.
• Vestiario: Patricia J. Henderson.

Datos técnicos:

• Título orixinal: Amreeka.
• Países: USA, Canadá e Kuwait.
• Ano: 2009.
• Duración: 96 minutos.
• Xénero: Comedia dramática.