{*tit_cineuropa}

Director: George Dorobantu

A fertilidade do cinema romanés recente resulta tanto máis abraiante se se consideran as condicións en que se producen e consomen as películas nese país. Ródanse uns 20 filmes cada ano; hai pouco máis de 60 salas e o gasto anual medio en cinema, por habitante, é de menos de 4 centavos de dólar. Se nese panorama a aparición de cada nova Lazarescu ou Hooked semella a aterraxe dun ovni, o debut do mariñeiro Darabantu (nada de educación cinematográfica formal) viría ser a nave base.

Elevator custou -con letras para que non pensen que faltan ceros- douscentos euros: o mesmo que custa, en Europa, un teléfono celular dos bos. E un teléfono celular (pero non dos bos) é practicamente a único utensilio, e o máis vital, dentro do ascensor- cárcere-probable tumba no que queda atrapada a parella de adolescentes protagonista.

Todo este potente psicodrama, ao que non lle faltan humor nin suspenso nin agudos e discretos comentarios sociais, transcorre nesa caixa metálica de 3 por 2 metros. Un cinema mínimo pero expansivo que, mediante a montaxe e unha incrible variedade de postas de cámara, sae do encerro para respirar a árida liberdade do Gerry de Van Sant.

Ficha artística:

• Intérpretes: Cristi Petrescus e Iulia Verdes.

Ficha técnica:

• Guión: Gabriel Pintilei.
• Fotografía: George Dorobantu.
• Montaxe: George Dorobantu.
• Produción:Gabriel Pintilei e Alexandra M. Paun

Datos técnicos:

• Título orixinal: Elevator.
• País: Romanía.
• Ano: 2008.
• Duración: 85 minutos.