{*tit_cineuropa}

Director: Arnaud Desplechin

De nena, Esther Kahn (Summer Phoenix) era observadora, calada e estraña á mirada de todos. Agora, de moza, segue sendo igual. Semella que non lle importan as cousas que fan as mozas da súa idade. Semella que non está interesada en nada.

Esther Khan provén dunha familia xudía pobre da Inglaterra de finais do século XIX que se mantén grazas a unha fábrica caseira de costura. Na familia todos traballan na fábrica, e ese é o futuro que herdou Esther, e semella que o acepta. Pero este carácter desapaixonado cambia cando na cidade se representa unha obra de teatro. Esther cóase voluntariosamente a través da xente para mercar o boleto de entrada. Alí, no teatro, a súa mirada desinteresada transfórmase nunha mirada ávida. Este suceso cambia a súa vida e comeza a súa busca. Esther decide converterse en actriz e, a través do teatro, aprende da vida.

Ficha artística:

• Intérpretes: Summer Phoenix, Fabrice Desplechin, Ian Holm, Emmanuelle Devos, Kika Markham, Akbar Kurtha, Frances Barber, László Szabó, Hilary Sesta e Claudia Solti.

Ficha técnica:

• Guión: Arnaud Desplechin e Emmanuelle Bourdieu (historia: Arthur Symons).
• Música: Howard Shore.
• Fotografía: Eric Gautier.

Datos técnicos:

• Título orixinal: Esther Kahn.
• País: Francia.
• Ano: 2000.
• Duración: 142 minutos.
• Xénero: Drama.