{*tit_cineuropa}

Director: Santiago Fillol e Lucas Vermal

O ex-presidente da principal asociación española de deportados, Enric Marco, emprende unha viaxe desmitificadora cara ao seu pasado, unha viaxe en coche a Alemaña. Dous anos antes, un historiador demostrou que Enric Marco non era o resistente que dicía ser e que as experiencias do campo de concentración relatadas durante anos na televisión eran inventadas.

Agora, Marco percorre o mesmo traxecto que fixo en tren en 1941 a bordo dun convoi de traballadores enviados por Franco a Hitler, en plena Guerra Mundial. Esa viaxe, que o debe conducir ao penal de Kiel, onde pasou un ano acusado de
actividades de propaganda comunista, antes de ser absolto e regresar a España, crúzase en varios puntos coa viaxe imaxinaria que tantas veces contou: a súa viaxe desde a resistencia francesa aos campos de concentración en trens
de gando, o mesmo destino que sufriron milleiros de republicanos españois exiliados tras a Guerra Civil.

Ficha artística:

• Intérpretes: Enric Marco, Pau Lanao e Carme Vinyoles.

Ficha técnica:

• Guión: Santiago Fillol e Lucas Vermal.
• Fotografía: Marc Gómez del Moral.
• Montaxe: Cristóbal Fernández e Sergi Díez.

Datos técnicos:

• País: España.
• Ano: 2009.
• Duración: 90 minutos.
• Xénero: Documental.