{*tit_cineuropa}

Director: Morgan Neville e Robert Gordon

Ninguén se libra da influencia de Johnny Cash: a súa música era para toda América. Xente que non está de acordo en nada, de repente ponse de acordo cando fala de Johnny Cash. A súa figura é un gran unificador, unha gran bandeira detrás da que marchar.

Cash era poliédrico e carismático; só así se entende que navegara en medio de todos aqueles mares, respectado por igual por punks e políticos, neocons e liberais, curas e drogadictos. Johnny Cash's America explora esta dicotomía ao longo de capítulos titulados cos temas clave da súa vida: Fe, Terra, Liberdade, Protesta, Xustiza, Familia, Verdade, Patriota e Redención.

Neles amósansenos os lados de Cash: o patriota testán e o irredimible drogadicto, o admirado músico e o amigo de políticos, o defensor do paria pero asiduo invitado na Casa Branca. O home e mais as súas circunstancias aparecen aquí mediante un incesante chorro de suculento arquivo Cash pero, sobre todo, cun gran despregamento de entrevistas: personaxes tan diversos como Al Gore, Snoop Dogg, Ozzy Osborne, Kris Kristofferson, John Cougar Mellencamp, Steve Earle, Tim Robbins, Bob Dylan -que o considera unha «figura
relixiosa»- e Sheryl Crow (e máis!) verbalizan apaixonadamente a súa admiración polo Home de Negro.

Ficha artística:

• Intérpretes: Johnny Cash, Rick Rubin, Kris Kristofferson, John Mellencamp.

Ficha técnica:

• Produción: Andy Bert, Steve Berkowitz, John
  Carter Cash, Robert Gordon, Morgan
  Neville, Lou Robin e Rob Sharenow.

Datos técnicos:

• País: EUA.
• Ano: 2008.
• Duración: 89 minutos.
• Xénero: A&E Network.