{*tit_cineuropa}

Director: Bent Hamer

En 1944, amas de casa e profesores de Economía Doméstica suecos formaron o Instituto de Investigacións do Fogar, HFI, onde se investigaba para mellorar as condicións do traballo no fogar.

Alí os científicos experimentaban no laboratorio con máquinas e ferramentas para a cociña, co obxectivo de desenvolver novos e mellores produtos e mellorar as condicións de traballo no fogar. Na Suecia dos anos 50, en pleno florecemento económico, o Instituto descubriu que unha ama de casa media camiñaba ao ano na cociña, mentres prepara a comida, o equivalente da distancia entre Estocolmo e o Congo. Así que o Instituto Sueco de Investigacións do Fogar puxo en marcha un novo estudo: enviou un grupo de observadores a unha rexión campesiña de Noruega para que vixiaran o comportamento dos homes solteiros noruegueses nas cociñas. Tratábase de recoller informacións destinadas a concibir nun futuro próximo unha mellor utilización do lugar e do seu equipamento, a cociña máis funcional posible, a que traerá a felicidade ás casas. Os investigadores traballaban vinte catro horas ao día, empolicados nunha especie de cadeiras de árbitro de tenis, estratexicamente colocadas nun recuncho da cociña. Ademais, impónselles unha regra: non deben, baixo ningún concepto, dirixirlles a palabra aos investigados ou implicarse nas actividades da cociña para non arruinar o carácter científico do experimento.

Ficha artística

• Intérpretes: Joachim Calmeyer (Isak Bjornsson); Tomas Norström (Folke Nilsson); Reine Brynolfsson (Malmberg); Bjørn Floberg (Grant); Sverre Anker Ousdal (Doutor Jack Benjaminsen); Leif Andrée (Doutor Ljungberg); Gard B. Eidsvold (Bakkerman); Lennart Jähkel (Green); Trond Braenne (Ordforer)

• Director: Bent Hamer
• Guión: Bent Hamer; coa colaboración de Jörgen Bergmark
• Produtor: Bent Hamer
• Música: Hans Mathisen
• Fotografía: Philip Øgaard
• Montaxe: Pål Gengenbach
• Deseño da produción: Billy Johansson
• Vestiario: Karen Fabritius Gram

• Países: Noruega e Suecia
• Ano: 2003
• Duración: 95 minutos
• Xénero: Comedia, drama
• Estrea en Noruega: 17 de xaneiro de 2003
• Estrea en España: 27 de maio de 2005

Ligazóns relacionadas:

• Web da película