{*tit_cineuropa}

Director: Diao Yi Nan

Producida á marxe da oficialidade chinesa, a segunda película do director da sobranceira 'Uniform', é unha obra visceral e brutalmente honesta, que retrata a soidade dunha muller confrontada cos seus desexos e a súa desesperación.

Protagonizada por unha funcionaria de prisións, espectadora muda da intransixencia e a inxustiza nun corredor da morte, que no tempo libre busca parella a través dunha axencia matrimonial. Tras unhas cantas citas desastrosas, un home misterioso acudirá no seu rescate e sentirase atraída por el até que descobre que esconden as súas intencións reais.

Ao xeito de Jia Zhangke, as transformacións sociais e a progresiva industrialización dunha empobrecida rexión, actúan como pano de fondo sobre o que se moven uns personaxes superados polos seus conflitos emocionais, pola súa radical soidade e polos imprevisibles efectos das reaccións humanas. A pesar de todo, o director dota a súa protagonista dunha fortaleza e unha dignidade que parecen impoñerse poderosamente ás adversas circunstancias.

Ficha artística:

• Intérpretes: Liu Dan, Qi Dao, Xu Wei, Wu Yuxi, Wang Zhenjia,
  Meng Haiyan

Ficha técnica:

• Dirección: Diao Yi Nan
• Guión: Diao Yi Nan
• Produción: Ho-Hi Pictures, DViant Films e Fonds Sud Cinema

Datos técnicos:

• Título orixinal: Ye che
• País: China
• Duración: 94 minutos
• Ano: 2007